Ispaniya chempionatining 5-turi doirasida "Barselona" bugun "Eybar"ga qarshi bahs olib boradi. "Ko‘k-anorranglilar" bosh murabbiyi Ernesto Valverde mazkur bahs uchun futbolchilarning kengaytirilgan ro‘yxatini e’lon qildi.
Arda Turon jarohatidan forig‘ bo‘ldi va jamoaning o‘yinoldi mashg‘ulotida ishtirok etdi. Eslatib o‘tamiz, Arda Turkiya terma jamoasi safida jarohat olgani bois, hali "Barsa"ning ushbu mavsumdagi o‘yinlarida ishtirok etmadi. Turkiyalik futbolchi bu safar ham qaydnomaga kiritilmadi.
Kataloniyaliklarning so‘nggi o‘yinlarida ishtirok etmagan Aleysh Vidal, Tomas Vermalen va Lyuka Din bu safar qaydnomadan o‘rin olishdi. Samuel Umtiti, Pako Alkaser, Andre Gomesh murabbiyning qaroriga ko‘ra ro‘yxatga kiritilmadi. Shuningdek, jarohat tufayli Rafinya Alkantara va Usmon Dembele jamoaga yordam bera olishmaydi.
«Barselona»ning «Eybar»ga qarshi o‘yin qaydnomasi:
Mark-Andre ter Shtegen, Yasper Sillessen, Nelson Semedu, Jerar Pike, Ivan Rakitich, Serxio Buskets, Denis Suares, Andres Inyesta, Luis Suares, Lionel Messi, Xavyer Maskerano, Paulinyo Bazerra, Jerar Deulofeu, Jordi Alba, Lyuka Din, Serxi Roberto, Aleysh Vidal, Tomas Vermalen.