Oliy Liga 22-turining e’tiborli o‘yinlaridan biri Samarqandda o‘tadi. «Dinamo» jamoasi joriy yil hisobidan uchinchi marta «Bunyodkor»ga qarshi saf tortadi.
UCHINCHI UCHRASHUV
Ushbu jamoalar 2017 yil hisobidan 3-marta to‘qnash kelishmoqda. Oliy Liga birinchi davra bahsida Toshkentda 1:1 hisobi qayd etilgan bo‘lsa, O‘zbekiston Kubogi yarim final dastlabki uchrashuvi doirasida «Bunyodkor» maydonida o‘tgan bahsda ham durang – 0:0 hisobi qayd etilgan edi. Ushbu uchinchi to‘qnashuv Oliy Liga ikkinchi davrasidagi uchrashuv sifatida qayd etilayotgan bo‘lsa, oldinda ushbu klublar kubok yarim finali javob o‘yinida ham o‘zaro maydonga tushib, finalchi nomini aniqlashadi. Ko‘ramiz, uchinchi o‘yinda g‘olib aniqlanarmikan?
UCHRASHUVNI TO‘XTASINOV BOSHQARADI
«Dinamo» - «Bunyodkor» uchrashuvini boshqarib borish andijonlik hakam Temur To‘xtasinovga ishonib topshirildi. Uchrashuv nazoratchisi sifatida Gali Imomov ishlaydi.
Oliy Liga. 22-tur. 21 sentyabr (payshanba)
«Dinamo» (Samarqand) – «Bunyodkor» (Toshkent)
Hakamlar: T. To‘xtasinov (Toshkent), A. Marajabov (Andijon), Z. Abdurahmonov (Andijon), R. Abduvohidov (Qarshi)
Nazoratchi: G. Imomov (Toshkent).
O‘zPFL vakili: G. Rtveladze.
Uchrashuv boshlanish vaqti: 16:15.
KIM QANDAY HOLATDA?
Mehmon jamoa «Bunyodkor» Oliy Liga doirasidagi so‘nggi besh uchrashuvdan 4 tasida g‘alabaga erishdi, 1 o‘yinda durang qayd etdi.
«Dinamo» esa ikkinchi davrada hali g‘alaba nimaligini bilgani yo‘q. Jamoa so‘nggi 5 uchrashuvdan uchtasida durang, ikkitasida mag‘lubiyatga uchradi.
Oliy Liga. «Dinamo»ning so‘nggi 5 o‘yini:
«Sho‘rtan» - «Dinamo» - 1:0
«Dinamo» - «Paxtakor» - 0:0
«Navbahor» - «Dinamo» - 1:0
«Dinamo» - «Qo‘qon-1912» - 0:0
«Buxoro» - «Dinamo» - 0:0
Oliy Liga. «Bunyodkor»ning so‘nggi 5 o‘yini:
«Bunyodkor» - «Olmaliq» - 1:0
«Nasaf» - «Bunyodkor» - 0:1
«Bunyodkor» - «Olmaliq» - 2:0
«Qizilqum» - «Bunyodkor» - 3:3
«Bunyodkor» - «Neftchi» - 2:0
O‘ZARO O‘YINLAR: 20-TO‘QNASHUV
Oliy Liga tarixida «Dinamo» va «Bunyodkor» klublari o‘zaro bugungacha 19 marta to‘qnash kelishgan. Samarqanddagi o‘yin 20-to‘qnashuv sifatida tarixda qoladi.
O‘zaro uchrashuvlarda statistika «Bunyodkor» ustunligini ko‘rsatmoqda. “Bunyodkor” 15 ta o‘yinda g‘olib bo‘lgan, 3 ta o‘yin durang hisobida yakunlangan. “Dinamo” ushbu raqibni hozirgacha bir marta mag‘lub etgan.
To‘plar nisbatida ham ustunlik “Bunyodkor” tomonida - 36:9. O‘zaro o‘yinlarda “Dinamo” 6, “Bunyodkor” esa 48 ochkoni qo‘lga kiritgan.
“Bunyodkor”ning o‘zaro o‘yinlarda qozongan eng yirik g‘alabasi – 4:0ga teng. “Dinamo”ning yagona g‘alabasi – 1:0.
Samarqandda bo‘lib o‘tgan so‘nggi besh uchrashuv:
12.10.2015 «Dinamo» - «Bunyodkor» 1:1
06.04.2014 «Dinamo» - «Bunyodkor» 0:2
18.04.2013 «Dinamo» - «Bunyodkor» 0:3
21.05.2012 «Dinamo» - «Bunyodkor» 0:1
15.04.2011 «Dinamo» - «Bunyodkor» 0:1
Fakt…
«Bunyodkor» klubi «Dinamo»ga qarshi so‘nggi uch uchrashuvda g‘alaba nimaligini bilmayapti. Jamoalarning Samarqanddagi so‘nggi o‘yinida «Bunyodkor» 2015 yilda «Dinamo» bilan 1:1 o‘ynagan bo‘lsa, 2017 yildagi Toshkentda chempionat va kubok doirasidagi bahslarda ham 1:1 va 0:0 natijalari qayd etildi.
