Turkmaniston poytaxti Ashxobod shahri mezbonlik qilayotgan V Yopiq inshootlardagi Osiyo o‘yinlari davom etmoqda. 

Musobaqaning kechagi kungi bahslarida qo‘lga kiritilgan 2ta oltin, 2 ta kumush va 7 ta bronzadan so‘ng terma jamoamiz g‘aznasidagi umumiy medallar soni 117 taga yetdi (23 ta oltin, 30 ta kumush va 64 ta bronza). Bu ko‘rsatkich bilan delegasiyamiz umumjamoa hisobida 4-o‘rinni egallab turibdi.

Turkmaniston terma jamoasi 85 ta oltin, 65 ta kumush, 79 ta bronza, jami 229 ta medal jamg‘arib, jadvalda peshqadamlik qilmoqda. Xitoy terma jamoasi 78 ta medal bilan ikkinchi o‘rinda. Chin yurti vakillari hisobida 34 ta oltin, 24 ta kumush, 20 ta bronza medali bor. 

Kuchli uchlikka Eron terma jamoasi 26 ta oltin, 18 ta kumush, 58 ta bronza, jami 102 ta medal bilan yakun yasagan. Bizdan keyingi o‘rinlardagi Qozog‘istonda 23, Tailandda 20, Janubiy Koreya va Vyetnamda 11 tadan oltin medal bor.