Туркманистон пойтахти Ашхобод шаҳри мезбонлик қилаётган V Ёпиқ иншоотлардаги Осиё ўйинлари давом этмоқда. 

Мусобақанинг кечаги кунги баҳсларида қўлга киритилган 2та олтин, 2 та кумуш ва 7 та бронзадан сўнг терма жамоамиз ғазнасидаги умумий медаллар сони 117 тага етди (23 та олтин, 30 та кумуш ва 64 та бронза). Бу кўрсаткич билан делегациямиз умумжамоа ҳисобида 4-ўринни эгаллаб турибди.

Туркманистон терма жамоаси 85 та олтин, 65 та кумуш, 79 та бронза, жами 229 та медал жамғариб, жадвалда пешқадамлик қилмоқда. Хитой терма жамоаси 78 та медал билан иккинчи ўринда. Чин юрти вакиллари ҳисобида 34 та олтин, 24 та кумуш, 20 та бронза медали бор. 

Кучли учликка Эрон терма жамоаси 26 та олтин, 18 та кумуш, 58 та бронза, жами 102 та медал билан якун ясаган. Биздан кейинги ўринлардаги Қозоғистонда 23, Таиландда 20, Жанубий Корея ва Вьетнамда 11 тадан олтин медал бор.