"Atletiko" himoyachisi Filipe Luis Braziliya termasining yaqin oradagi o‘yinlarini o‘tkazib yuboradi. U chap oyog‘idan jarohat olgan.
Terma jamoaning rasmiy sayti xabariga ko‘ra, uning o‘rniga "Monako"dan Jorje taklif etiladi.
Braziliya termasining shifokori Rodrigo Lasmaraning aytishiga ko‘ra, jarohatdan yaqin 15 kunda qutulib bo‘lmaydi.
Braziliyaliklar Boliviya bilan 5 oktyabr va Chili termasi bilan 11 oktyabr kuni kuch sinashadi.