Oliy Liga 23-turidan o‘rin olgan “Navbahor” (Namangan) – “Paxtakor” (Toshkent) uchrashuvidan keyin tashkil etilgan matbuot anjumanida yuzaga kelgan mojaro yuzasidan  “Navbahor” futbol klubi rahbariyati favqulodda yig‘ilish o‘tkazdi.

Yig‘ilishni “Navbahor” klubi direktori Nosir Sultonov o‘tkazdi va unda yuzaga kelgan mojaro sabablari o‘rganilganligi haqida majlis ishtirokchilariga axborot berdi. Nosir Sultonov o‘z ishiga mas’uliyatsizlik bilan yondoshgan klubning ayrim hodimlariga nisbatan tegishli choralar ko‘rilganini ta’kidladi. Majlisdan so‘ng “Navbahor” futbol klubi O‘FF hamda O‘zPFL nomiga tushuntirish xati yo‘lladi. Xatda bu kabi holatlar yuzaga kelmasligini kafolatlanadi.

Eslatib o‘tamiz, Oliy Liga 23-turi doirasida 1 oktyabr kuni bo‘lib o‘tgan “Navbahor” hamda “Paxtakor” klublari o‘rtasidagi uchrashuvdan keyingi matbuot anjumanida mojaro yuzaga kelgan.  Ushbu mojaro tufayli “Navbahor” futbol klubiga nisbatan intizomiy choralar ko‘rilgani va 10 million so‘m miqdorida jarimaga tortilgan edi.