Bugun “Buxoro” stadioniga, Osiyo Futbol Konfederasiyasining strategik rejalashtirish, marketing va infratuzilma masalalari bo‘yicha yo‘riqchisi Elnur Mamedov, O‘FF marketing bo‘limi boshlig‘i Baxtiyor Mametov hamrohligida tashrif buyurdi.
Mehmonlar “Markaziy” stadionni ko‘zdan kechirishdi va Bolalar va O‘smirlar Futbol maktabi, “Buxoro” jamoasi qarorgohi, stadionda muxlislar uchun yaratilgan shart-sharoitlar, stadion yon atrofidagi binolar, bilan yaqindan tanishib chiqdi.
Mutaxassislar “Buxoro” sport majmuasida nafaqat futbol,shuningdek yengil atletika, badiiy gimnastika va sport gimnastikasi, boks sport turlari bilan shug‘ullanish uchun yaratilgan imkoniyatlarni ijobiy baxoladi. Ayniqsa Elnur Mamedovni stadionni kuzatayotib, sport majmuasi ichidagi rassomlik ustaxonasi diqqatini tortdi va ustaxonaga kirib rassomdan o‘zini qiziqtirgan savollarga javob oldi xamda u yerdan iliq ta’surotlar bilan chiqib kuzatishda davom etdi.
Shundan so‘ng mehmonlar klub marketing xizmati xodimlari, matbuot xizmati va boshqa bo‘lim xodimlari bilan davra suhbati o‘tkazdilar. Suhbat chog‘ida klub marketing ishlarini kelgusida yanada rivojlantirish borasida o‘zining qimmatli maslahatlari bilan o‘rtoqlashdi.
“Buxoro” matbuot xizmati
