«Real» bosh murabbiyi Zayniddin Zidan Yevropa chempionlar ligasi 3-turi doirasida bo‘lib o‘tgan «Tottenxem»ga qarshi o‘yin (1:1) borasida o‘z fikrlarini bildirib o‘tdi.

«Tottenxem» bilan o‘yindagi durang «Real»ni xursand qilmadi. Boisi, biz uyda o‘ynadik va "Santyago Bernabeu"da hamisha g‘alaba qozonishimiz shart. Lekin g‘alaba qozonish uchun bizda imkoniyat bor edi. Har ikkala jamoa darvozabonlari ajoyib o‘yin ko‘rsatishdi. Biz darvoza ustunini ham nishonga oldik. "Tottenxem" futbolchilari yaxshi himoyalanishdi, yaxshi mehnat qilishdi va mantiqiy natija qayd etildi.

Endi "Uembli"da g‘alaba qozonishga harakat qilamiz. "Real" sifatli o‘yin namoyish qildi, o‘yinimizga jiddiy o‘zgarishlar kiritishga ehtiyoj yo‘q. Mavsumning starti "Real" uchun unchalik muvaffaqiyatli bo‘lmadi, ammo asta-sekin o‘yinimizni kuchaytirib boryapmiz», — dedi Zidan.