«Реал» бош мураббийи Зайниддин Зидан Европа чемпионлар лигаси 3-тури доирасида бўлиб ўтган «Тоттенхэм»га қарши ўйин (1:1) борасида ўз фикрларини билдириб ўтди.

«Тоттенхэм» билан ўйиндаги дуранг «Реал»ни хурсанд қилмади. Боиси, биз уйда ўйнадик ва "Сантьяго Бернабеу"да ҳамиша ғалаба қозонишимиз шарт. Лекин ғалаба қозониш учун бизда имконият бор эди. Ҳар иккала жамоа дарвозабонлари ажойиб ўйин кўрсатишди. Биз дарвоза устунини ҳам нишонга олдик. "Тоттенхэм" футболчилари яхши ҳимояланишди, яхши меҳнат қилишди ва мантиқий натижа қайд этилди.

Энди "Уэмбли"да ғалаба қозонишга ҳаракат қиламиз. "Реал" сифатли ўйин намойиш қилди, ўйинимизга жиддий ўзгаришлар киритишга эҳтиёж йўқ. Мавсумнинг старти "Реал" учун унчалик муваффақиятли бўлмади, аммо аста-секин ўйинимизни кучайтириб боряпмиз», — деди Зидан.