UYEFA “Lion”ga qarshi bo‘lib o‘tgan Yevropa Ligasi guruh bosqichi o‘yinida tartibsizlik keltirib chiqargan “Everton” muxlislariga qarshi ish ochdi. Bu haqda tashkilotning matbuot xizmati xabar tarqatdi.
O‘yinning 64-daqiqasida “Everton” sardori Eshli Uilyams “Lion” posbonini itarib yuborgan va oqibatda darvozabon yiqilib tushgandi. Natijada “Lion” va “Everton” futbolchilari o‘rtasida kelishmovchilik yuzaga kelgandi. Shu payt voqea “Everton” muxlislari o‘tirgan sektorga yaqin joyda bo‘layotgani bois mezbon ishqibozlar “Lion” futbolchilariga tashlanib qolishgandi. Janjalni tinchitish uchun ma’lum muddat vaqt ketdi. O‘yin yakunida esa mehmonlar 1:2 hisobida zafar quchishdi.
