УЕФА “Лион”га қарши бўлиб ўтган Европа Лигаси гуруҳ босқичи ўйинида тартибсизлик келтириб чиқарган “Эвертон” мухлисларига қарши иш очди. Бу ҳақда ташкилотнинг матбуот хизмати хабар тарқатди.
Ўйиннинг 64-дақиқасида “Эвертон” сардори Эшли Уильямс “Лион” посбонини итариб юборган ва оқибатда дарвозабон йиқилиб тушганди. Натижада “Лион” ва “Эвертон” футболчилари ўртасида келишмовчилик юзага келганди. Шу пайт воқеа “Эвертон” мухлислари ўтирган секторга яқин жойда бўлаётгани боис мезбон ишқибозлар “Лион” футболчиларига ташланиб қолишганди. Жанжални тинчитиш учун маълум муддат вақт кетди. Ўйин якунида эса меҳмонлар 1:2 ҳисобида зафар қучишди.
