"Navbahor" - "Buxoro" uchrashuvidan so‘ng tashkil etilgan matbuot anjumani birinchi qismida mehmonlar jamoasi bosh murabbiyi Ulug‘bek Baqoyev qatnashdi.

"Uchrashuvning boshlarida o‘yinga kirishib keta olmadik va gol o‘tkazib yubordik. Gol o‘tkazganimiz yigitlarga ruhiy jixatdan salbiy ta’sir o‘tkazgan ko‘rinadi. Nimalarga qodirligimizni namoyish eta olmadik. Birinchi taymni boy berdik. Ikkinchi bo‘limda faolroq harakat qilib, o‘yinni o‘z qo‘limizga muvaffaq bo‘ldik. Ammo omad "Navbahor" tomonida bo‘ldi. G‘alaba bilan namanganliklarni tabriklayman.

Hakamlik borasida gapirmayman. Bu mening vakolatimga kirmaydi. Albatta futbol O‘zbekistonda rivojlanib bormoqda. O‘ylaymanki, federasiyadagi yangi rahbariyat bilan davlatimizda futbol yanada tiklanadi. Fursatdan foydalanib, milliy, yoshlar va olimpiya terma jamoalarimizga omad tilayman. O‘zbek futbolini yuksaltirish yo‘lida barcha klublar harakat qilishmoqda. Shuningdek, "Navbahor" va "Buxoro" muxlislariga minnatdorchilik bildiraman", - dedi Baqoyev.