"Bunyodkor" bilan uchrashuvdan so‘ng o‘tkazilgan matbuot anjumanida "Paxtakor" bosh murabbiyi Shota Arveladze o‘yin haqida fikrlarini bildirdi.

- Ancha qiyin o‘yin bo‘ldi. Ikkinchi davrada "Bunyodkor" eng ko‘p ochko to‘plashga muvaffaq bo‘lgan jamoa edi. Ular hali mag‘lubiyatga uchrashmagandi. Ikki kuchli jamoa to‘qnashganda muxlislar ajoyib futbol guvohiga aylanishadi. Bugun biz yaxshiroq o‘ynadik. Birinchi bo‘limda raqibda qarshi hujumda ikkita yaxshi vaziyat bo‘ldi. Ikkinchi bo‘limda esa Lobanov biror marta sakragani yo‘q. Biz ko‘plab imkoniyatlarni yaratdik, gol urish uchun intildik.

Natija faqat men tufayli yaxshilanmadi. Klubda ko‘p narsa o‘zgardi. Men bundan ham ko‘prog‘ini istayman. Shunday og‘ir o‘yinlarda g‘olib bo‘lishni xohlayman. Raqibdan ko‘proq gol urishni va g‘alaba qozonishni istayman. Biz doim oxirigacha kurashishimiz lozim. Jamoam shunga intiladi.

Hakamlar haqida nima deyishim mumkin? Futbolda hamma adashadi - o‘yinchilar, murabbiylar va hakamlar ham. Bizning zararimizga ham xatolar bo‘ldi. Ikkinchi davrada jami besh to‘g‘ri golimizni hisoblashmadi. Xato hammada bo‘ladi. Faqat doimo rivojlanib, oldinga qadam tashlash uchun intilish kerak, - deb ta’kidladi Arveladze.