Angliya premyer-ligasining 10-turi doirasida jadvalda 2 va 3-o‘rinlarni egallab turgan "Manchester Yunayted" va "Tottenxem" jamoalari "Old Traffod"da to‘qnash kelishdi.

Mourinyo jamoasi bir nechta turdan beri futbolchilarning jarohati bilan bog‘liq muammolarga duch kelayotgan bo‘lsa, Xarri Keyn bu bahsda "shporlar"ga yordam bera olmadi. Birgina yo‘qotishning o‘rni londonliklar uchun sezildi.

Tomonlar tengma-teng o‘yin ko‘rsatishdi. Birgina gol uchrashuv taqdirini hal qilishi mumkin edi. Dele Alli juda yaqin masofadan de Xea qo‘riqlayotgan darvozani ishg‘ol eta olmagan bo‘lsa, Romalu Lukaku bosh bilan bergan zarba natijasida to‘p ustunga tegib qaytdi. O‘yinda so‘nggi 10 daqiqa boshlangan paytda mezbonlar muvaffaqiyat qozonishdi. Darvozabon tepib bergan to‘pni Lukaku bosh bilan to‘pni jarima maydonchasi tomon tashladi. Marsial esa himoyachidan qochib ketib, birga-bir vaziyatda Ugo Lyorisni dog‘da qoldirdi.

"MYU" yaxshi himoyalanishning hadisini olganini qolgan daqiqalarda isbotladi. Ushbu g‘alabadan keyin mankunianliklar asosiy raqibidan 3 ochkoga ilgarilab ketdi. "Tottenxem" esa 20 ochko bilan 3-o‘rinda qoldi.

APL, 10-TUR
"MANCHESTER YUNAYTED" - "TOTTENXEM" 1:0 (0:0)
28 oktyabr, 16.30, «Old Trafford»
Gol: 1:0 – 81 Marsyal.
Manchester Yunayted – De Xea, Smolling, Djons, Valensiya, Bayi, Errera, Yang (Darmian, 90), Matich, Mxitaryan (Lingard, 65), Reshford (Marsyal, 70), Lukaku.
Tottenxem – Lyoris, Vertongen, Devis, OrYE, Alderveyreld, Alli, Dayer, Sissoko (Dembele, 62), Eriksen, Uinks, Son Xeung Min (Lyorente, 62).
Ogohlantirish: Valensiya (73).