Англия премьер-лигасининг 10-тури доирасида жадвалда 2 ва 3-ўринларни эгаллаб турган "Манчестер Юнайтед" ва "Тоттенхэм" жамоалари "Олд Траффод"да тўқнаш келишди.

Моуриньо жамоаси бир нечта турдан бери футболчиларнинг жароҳати билан боғлиқ муаммоларга дуч келаётган бўлса, Харри Кейн бу баҳсда "шпорлар"га ёрдам бера олмади. Биргина йўқотишнинг ўрни лондонликлар учун сезилди.

Томонлар тенгма-тенг ўйин кўрсатишди. Биргина гол учрашув тақдирини ҳал қилиши мумкин эди. Деле Алли жуда яқин масофадан де Хеа қўриқлаётган дарвозани ишғол эта олмаган бўлса, Ромалу Лукаку бош билан берган зарба натижасида тўп устунга тегиб қайтди. Ўйинда сўнгги 10 дақиқа бошланган пайтда мезбонлар муваффақият қозонишди. Дарвозабон тепиб берган тўпни Лукаку бош билан тўпни жарима майдончаси томон ташлади. Марсиал эса ҳимоячидан қочиб кетиб, бирга-бир вазиятда Уго Льорисни доғда қолдирди.

"МЮ" яхши ҳимояланишнинг ҳадисини олганини қолган дақиқаларда исботлади. Ушбу ғалабадан кейин манкунианликлар асосий рақибидан 3 очкога илгарилаб кетди. "Тоттенхэм" эса 20 очко билан 3-ўринда қолди.

АПЛ, 10-ТУР
"МАНЧЕСТЕР ЮНАЙТЕД" - "ТОТТЕНХЭМ" 1:0 (0:0)
28 октябрь, 16.30, «Олд Траффорд»
Гол: 1:0 – 81 Марсьяль.
Манчестер Юнайтед – Де Хеа, Смоллинг, Джонс, Валенсия, Байи, Эррера, Янг (Дармиан, 90), Матич, Мхитарян (Лингард, 65), Рэшфорд (Марсьяль, 70), Лукаку.
Тоттенхэм – Льорис, Вертонген, Дэвис, Орье, Алдервейрелд, Алли, Дайер, Сиссоко (Дембеле, 62), Эриксен, Уинкс, Сон Хеунг Мин (Льоренте, 62).
Огоҳлантириш: Валенсия (73).