Xabaringiz bor, shu yilning 17 okyatbr sanasida O‘zbekiston Futbol Federasiyasi Prezidenti Umid Ahmadjonov Qatar Futbol Uyushmasining Prezidenti Shayx Hamad bin Xalifa Ahmad ol Taniyning taklifiga ko‘ra Dohaga xizmat safari uyushtirib, Qatar futboli mansabdor shaxslari bilan uchrashgandi.
Uchrashuv chog‘ida tomonlar O‘zbekiston va Qatar futbolini yanada rivojlantirish uchun hamkorlik aloqalarini kuchaytirish, O‘zbekiston va Qatar federasiyalari o‘rtasidagi o‘zaro tajriba almashinuvini yo‘lga qo‘yib, uni rahbariyat va mansabdor shaxslar, shuningdek, texnikaviy masalalar bo‘yicha ekspertlar, murabbiylar, hakamlar va futbolchilar orqali samarali yo‘lga qo‘yish kabi masalalarni muhokama qilingan hamda O‘zbekiston Futbol Federasiyasi va Qatar Futbol Uyushmasining hamkorlik to‘g‘risidagi memorandumini imzolangandi.
Ana shu kelishuvga ko‘ra, Qatar futbol federasiyasi shu yilning 11 noyabr kuni Qatar va Chexiya terma jamoalari o‘rtasida Dohada o‘tkaziladigan o‘rtoqlik o‘yinini boshqarib borish uchun o‘zbekistonlik hakamlar brigadasini taklif qildi.
Qatar davlati poytaxtida bo‘lib o‘tadigan o‘rtoqlik uchrashuvini taniqli hakam Sherzod Qosimov boshqarib boradigan bo‘ldi. Unga qanotlarda Timur Gaynullin va Alisher Usmonov yordam berishadi.
