“Arsenal” ustozi Arsen Venger faoliyati davomida juda ajoyib rekord o‘rnatgan — uning boshchiligida jamoa 2003-2004 yilgi mavsumda umuman yutqazmagan. Bu ayni paytda APLda mutlaq rekord hisoblanadi. “Manchester Siti” ustozi Gvardiola “Arsenal”ga qarshi o‘yin oldidan shu haqda gapirdi.
“Men Arsen Vengerga uning rekordini takrorlay olmasligimni aytmoqchiman. U qo‘rqmasin, xotirjam bo‘laversin, bu holat ro‘y bermaydi. Bu rekord faqat uning jamoasiga tegishli — butun mavsumni mag‘lubiyatsiz o‘tkazish — fantastika. Ayni paytda bu rekordni takrorlash haqida o‘ylayotganimiz ham yo‘q, maqsadimiz yakshanba kuni yaxshi o‘yin ko‘rsatish va “Arsenal”ni mag‘lub etish”, dedi Gvardiola.
