“Арсенал” устози Арсен Венгер фаолияти давомида жуда ажойиб рекорд ўрнатган — унинг бошчилигида жамоа 2003-2004 йилги мавсумда умуман ютқазмаган. Бу айни пайтда АПЛда мутлақ рекорд ҳисобланади. “Манчестер Сити” устози Гвардиола “Арсенал”га қарши ўйин олдидан шу ҳақда гапирди.

“Мен Арсен Венгерга унинг рекордини такрорлай олмаслигимни айтмоқчиман. У қўрқмасин, хотиржам бўлаверсин, бу ҳолат рўй бермайди. Бу рекорд фақат унинг жамоасига тегишли — бутун мавсумни мағлубиятсиз ўтказиш — фантастика. Айни пайтда бу рекордни такрорлаш ҳақида ўйлаётганимиз ҳам йўқ, мақсадимиз якшанба куни яхши ўйин кўрсатиш ва “Арсенал”ни мағлуб этиш”, деди Гвардиола.