Moskvaning «Lokomotiv» klubi va O‘zbekiston terma jamoasi himoyachisi Vitaliy Denisov o‘tgan hafta «Sovetskiy sport» nashriga katta intervyu berdi.
Hamyurtimiz suhbat davomida milliy jamoamizning Rossiya-2018 mundiali saralash bosqichidagi ishtirokiga ham to‘xtaldi. Quyida Vitaliyning aynan biz uchun qiziqarli bo‘lgan fikrlari bilan tanishishingiz mumkin.
- «Lokomotiv» futbolchilari ahilligi haqida ko‘p gapirishadi. Aslida jamoa a’zolari maydon tashqarisida vaqtni qanday o‘tkazishadi?
- Agar qandaydir marosim tashkillashtirilsa, masalan, kimningdir oilasida farzand dunyoga kelsa, o‘sha baxtli insonni tabriklash uchun restoran yoki biror joyga yig‘ilamiz va bayramona tushlik uyushtiramiz.
Shu bahona o‘zaro chaqchaqlashamiz. Qisqasi, hamma qatori yashaymiz, harqalay, qandaydir o‘zgacha dabdaba yo‘q.
- Bo‘sh vaqtda FIFA simulyatori orqali alohida chempionat tashkillashtirishingiz haqidagi gaplar rostmi?
- Ha, bu to‘g‘ri. «Lokomotiv»ning ko‘plab futbolchilari virtual o‘yinga ham qiziqishadi. Biroq shaxsan menga asosan boshqa simulyator - PES ma’qulroq.
Shuning barobarida tan olishim kerak, FIFAga o‘tish vaqti keldi. Aytgancha, Dima Tarasovga qoyil qolish joiz - u barcha turdagi virtual o‘yinlar masalasida juda kuchli va bemalol kibersport bo‘yicha jahon chempionatlarida qatnashishi mumkin.
- O‘zbekiston terma jamoasi haqida ham so‘rashni istardik. JCH-2018 saralash bosqichi davomida yaxshigina imkoniyatga ega bo‘lgan holda, yakunda yo‘llanmadan quruq qolish hafsalangizni pir qilmadimi? DAVOMI
