Londonning "Arsenal" jamoasi bosh murabbiyi Arsen Venger APLning 11-turi doirasida "Manchester Siti"ga qarshi bo‘lib o‘tgan o‘yindan (1:3) keyin o‘yin haqida o‘z fikrdari bilan o‘rtoqlashdi va hakamlar ishidan ko‘ngli to‘lmaganini ta’kidladi.
"Intensiv o‘yin bo‘ldi, har ikkala jamoa ajoyib harakat qildi. Raqib darvozasi oldida ko‘p golli vaziyatlar yaratdik. Yakunda hakam bizning zararimizga qarorlar qabul qildi: shubhali penalti va ofsayddan urilgan gol. Bunga yo‘l qo‘yib bo‘lmaydi.
Hakamlar o‘z ustilarida yaxshi ishlashmayapti. Ularning saviyasi yildan-yilga tushib ketmoqda.
Nazarimda, tezkor futbol namoyish qiladigan jamoaga qarshi yaxshi harakat qildik. Balki, birinchi bo‘limda "Arsenal" himoyaga ko‘proq yotib olgandir. Tanaffusdan keyin ko‘proq o‘yinda bo‘ldik. Natija 1:2 bo‘lib turganida hisobni tenglashtirimiz mumkin edi.
"Manchester Siti" – yaxshi jamoa. Lekin uning qanchalar kuchliligini boshqalar gapirsin", – dedi Venger.
Eslatib o‘tamiz, "Manchester Siti" - "Arsenal" o‘yinini Maykl Oliver boshchiligidagi hakamlar boshqarib borishdi.
