Professional boksda ketma-ket g‘alabalar seriyasini qayd etib kelayotgan nokautchi bokschimiz Shohjahon Ergashev bugun tongda AQSHning Nyu-York shaxrida o‘zining navbatdagi jangini o‘tkazdi.
AQSHda o‘zining ilk jangini o‘tkazgan Shohjahon mezbon bokschi Markes Xautornga qarshi ringga ko‘tarildi. 26 yoshli bu bokschi shu kungacha 12 ta jang o‘tkazgan bo‘lib, ularning 5 tasida g‘alabaga erishgan edi.
O‘zbekistonda hizmat ko‘rsatgan sport ustasi hisoblanadigan Shohjahon Ergashev esa barcha janglarida raqiblarini nokautga uchratgandi. Hamyurtimiz bugun ham shu an’anasini davom ettirdi. Shohjahon ikkinchi raunddayoq amerikalik bokschini nokautga uchratib, AQSH zaminidagi ilk jangida chiroyli g‘alabaga erishdi.
Bu uning faoliyatidagi 11-g‘alabasi bo‘ldi.
Eslatib o‘tamiz, bokschimiz bungacha 10ta jang o‘tkazib, barchasini nokaut bilan yakunlagan.