Samuel Yumtitini «Barselona»ning omadli xaridlaridan biri, deyish mumkin. O‘tgan mavsum avvalida kataloniyaliklar safiga qo‘shilgan futbolchi, ayni kunda jamoaning muxim bo‘lagidan biriga aylangan.

Xabaringiz bor, «Barsa» Yumtitini «Lion»dan xarid qilgan. U aynan shu klub tarbiyalanuvchisi hisoblanadi. Yaqinda ESPORTS nashri Samuel bilan suhbat uyushtirdi.

— Siz Fransiyaning eng yaxshi klublaridan bo‘lgan «Lion» akademiyasida taxsil olgansiz. O‘sha davrlarni eslaysizmi? Bu sizga «Barselona» o‘yiniga moslashishingizga yordam berdimi?

- Ha, yordam berdi. «Lion»da biz hozir «Barselona»dagi kabi ishlardik. Shunchaki harakatlar sal bosh-qacharoq. «Lion» texnik va jismoniy mashqlarga ko‘p e’tibor qaratadi. Aynan shu tufayli kataloniyaliklarning o‘yinlariga tez moslashib ketdim.

Vaholanki, «Barsa» safida eng kuchli futbolchilar jamlangan. Umuman olganda, «Lion»da mening o‘sishimga yordam bergan insonlarni uchratganim, baxtimdir.

Buning uchun ulardan minnatdorman. Albatta, cho‘qqini zabt etish oson emas. Lekin menga jarayon yoqadi.

— Hamma «Barselona»ning ramziga aylangan «rondo» haqida gapiradi. Aytishlaricha, to‘p maydonda shunchalik tez harakatlanar ekanki, uni bo‘ysundirish qiyin ekan.

- Xuddi shunday. Avvaliga bu mashqni bajarishga cho‘chirdim. Chunki, bu oson emas. Birinchi kunlari to‘pni tez-tez oldirib qo‘yardim. Endi esa ancha moslashib olganman.

— Valverde va Luis Enrike o‘rtasidagi farqni sezdingizmi?

- Barcha murabbiy har xil. Gap ularning ishlash usullari haqida ketyapti. Yangi murabbiyimiz ancha xotirjam va futbolchilar bilan boshqacha usulda ish olib boradi. Bizga ham u xotirjamlikni taqdim etdi.

— O‘tgan mavsumda «Barsa» faqat mamlakat kubogida zafar quchdi. Siz bu yerga sovrinlarni yutish uchun kelganmisiz?

- Bu yerga nafaqat o‘sish uchun, balki jamoaga sovrinlarni yutishda yordam bergani kelganim rost. Men g‘alaba qozonishni yoqtiraman va xohlayman. «Barselona» barcha musobaqalarda g‘olib chiqishi kerak.

— Joriy mavsumda ham «Barsa» faqat kubok bilan kifoyalanmaydimi? DAVOMI