8 noyabr kuni Muborakda «Qizilqum»ni mehmon qilgan «Mash’al» klubi milliy chempionatimiz oliy ligasi doirasidagi 200-g‘alabasini nishonladi.

«Gazchilar» yuqori divizionda bu marrani 10-bo‘lib bosib o‘tishdi. Ayni payt 200ta g‘alaba marrasiga eng yaqin jamoalar - «Qizilqum» (194ta) va «Metallurg» (192ta). Biroq tushunarliki, ikkisi ham joriy mavsum yubiley g‘alabani nishonlay olmaydi.

O‘z o‘rnida, ma’lumot uchun aytish kerak, oliy liga tarixida 300tadan ko‘p o‘yinni o‘z foydasiga hal qilgan jamoalar soni 5ta, xolos.

Muborak shahri jamoasi joriy mavsum hozirgacha 11ta o‘yinni g‘alaba bilan tugatdi. «Mash’al» 200ta yutuq marrasiga yetishigacha 30ta raqibni yenggan.

Umuman olganda, oliy ligada jami 484ta o‘yin o‘tkazgan jamoaning statistikasi o‘rtacha: 200ta g‘alaba, 88ta durang, 196ta mag‘lubiyat, to‘plar nisbati: 625-657.

Xullas, matematik hisob-kitob bo‘yicha «Mash’al» chempionat doirasidagi jami o‘yinlaridan 41,321 foizida g‘alaba nashidasini surgan. Muborak klubiga 1984 yili asos solingan bo‘lib, uning foaliyatida marhum Bahrom Vafoyevning hissasi katta.

«Gazchilar» oliy ligaga ilk marta 1995 yili chiqishdi. Orada 2 marta birinchi ligaga tushib ketgan jamoa 2014 yildan buyon elitada barqaror o‘ynamoqda.

«Mash’al»ning oliy ligadagi barcha g‘alabalari DAVOMI