8 ноябрь куни Муборакда «Қизилқум»ни меҳмон қилган «Машъал» клуби миллий чемпионатимиз олий лигаси доирасидаги 200-ғалабасини нишонлади.

«Газчилар» юқори дивизионда бу маррани 10-бўлиб босиб ўтишди. Айни пайт 200та ғалаба маррасига энг яқин жамоалар - «Қизилқум» (194та) ва «Металлург» (192та). Бироқ тушунарлики, иккиси ҳам жорий мавсум юбилей ғалабани нишонлай олмайди.

Ўз ўрнида, маълумот учун айтиш керак, олий лига тарихида 300тадан кўп ўйинни ўз фойдасига ҳал қилган жамоалар сони 5та, холос.

Муборак шаҳри жамоаси жорий мавсум ҳозиргача 11та ўйинни ғалаба билан тугатди. «Машъал» 200та ютуқ маррасига етишигача 30та рақибни енгган.

Умуман олганда, олий лигада жами 484та ўйин ўтказган жамоанинг статистикаси ўртача: 200та ғалаба, 88та дуранг, 196та мағлубият, тўплар нисбати: 625-657.

Хуллас, математик ҳисоб-китоб бўйича «Машъал» чемпионат доирасидаги жами ўйинларидан 41,321 фоизида ғалаба нашидасини сурган. Муборак клубига 1984 йили асос солинган бўлиб, унинг фоалиятида марҳум Баҳром Вафоевнинг ҳиссаси катта.

«Газчилар» олий лигага илк марта 1995 йили чиқишди. Орада 2 марта биринчи лигага тушиб кетган жамоа 2014 йилдан буён элитада барқарор ўйнамоқда.

«Машъал»нинг олий лигадаги барча ғалабалари ДАВОМИ