"Manchester Yunayted" bosh murabbiyi Joze Mourinyo Angliya chempionatining 12-turida "Nyukasl" ustidan qozonilgan g‘alabadan so‘ng (4:1) fikrlari bilan o‘rtoqlashdi.
"Gol o‘tkazib yuborganimizdan so‘ng juda yaxshi o‘ynadik. Raqib o‘yinni yaxshi boshladi, ular jipslashgan holda o‘ynadilar. Rafael Benites - juda aqlli murabbiy, uning shogirdlari bizga muammolar yaratdilar, ammo biz ularni bartaraf qildik.
Hisobni tenglashtirganimizdan so‘ng, raqib bosimni his qila boshladi. Bosim uyushtirishimiz muhim edi. Ikkinchi gol bizga ishonch bag‘ishladi. Raqib oldinga intildi, bizga bo‘sh hududlar ochildi.
Odamlar nima desa, desin - biz ba’zan gol uramiz, ba’zan esa - yo‘q. Ammo biz har doim tinch uxlaymiz, chunki bor kuchingni ishga solganingdan keyin, achinadigan narsaning o‘zi bo‘lmaydi", - deydi Mourinyo.
