Madridning “Atletiko” jamoasi hujumchisi Antuan Grizmann “Roma”ga qarshi uchrashuv (2:0) dan so‘ng o‘z fikrlarini bildirib o‘tdi.
“Men gol urganim va jamoadoshlarimga g‘alaba qozonishlarida yordam berganimdan juda mamnunman. Har bir o‘yinda maksimal darajada kuch ishlatishga harakat qilaman.
Biz shunday ruhda davom etishimiz kerak. “Atletiko”ni oldinda yana bir jiddiy uchrashuv kutmoqda. Albatta, g‘alaba qozonishimizga ishonaman, endi qolganini vaqt ko‘rsatadi” - deydi Grizmann.
Ma’lumot uchun, “Atletiko” so‘nggi 6-turda “Chelsi” maydoniga safar uyushtiradi. O‘yin 6 dekabr chorshanba kuni bo‘lib o‘tadi.
