Kecha «Real»ning har bir futbolchisi va murabbiylar shtabi a’zolariga 1 mln yevrodan mukofot puli berildi.
Klub rahbariyati o‘tgan mavsumdagi muvaffaqiyat sabab barcha jamoa a’zolarini taqdirlashni istadi.
AS nashri ma’lumotlariga ko‘ra, Ispaniya chempionati va YECHLdagi g‘alaba uchun «Real» o‘yinchilariga 1,5 mln yevro, UYEFA va Ispaniya Superkubogi sovrini uchun esa 250 ming yevro ajratilgan. Soliqlar olib tashlagandan keyin esa bu miqdor 1 mln yevroga teng bo‘ldi.
Bundan tashqari, «Qirollik klubi»ning har bir a’zosi yangi yil uchun 110 ming yevrodan mukofot oladi, biroq ushbu miqdorning 52 foizi soliqqa tortiladi.
