"Paxtakor" sardori Kamoliddin Tojiyev joriy mavsum 19 marta jamoani maydonga boshlab tushdi.
Maydonda o‘tkazgan vaqti bo‘yicha u 1466 daqiqalik ko‘rsatkich bilan 9-natijani qayd etdi. O‘z hisobiga bir bor gol yozdirib qo‘yishga erishdi.
Bir uchrashuvda o‘rtacha 84 foiz aniq to‘p oshirish bilan ko‘p marta hujumlarni boshladi. Himoyada har 10 yakkakurashdan 7tasida raqiblardan ustun keldi. To‘pni olib qo‘yishi bir o‘yinda o‘rtacha 6 martani tashkil etgan. Raqib hujumini uzib qo‘yishdagi muvaffaqiyatli harakatlari 65 foizdan iborat bo‘lgan.
Tojiyevning "Paxtakor" uchun o‘tkazgan uchrashuvlari soni 164taga yetdi. Kamoliddin 11 bor raqiblar darvozasini ishg‘ol qilishga erishgan.
“Paxtakor” tarkibida u 7 marta O‘zbekiston chempioniga aylanib, 8 bor O‘zbekiston Kubogi sohibi bo‘lgan.
