Omma yoqimtoyiga aylanishning turli sabablari bor: kimdir o‘ta iqtidorli, kimdir yetakchilik salohiyatiga ega yoki fe’l-atvori va ishga yondashishi tufayli mehr qozonadi.
Mabodo jamoada shu sifatlarning barchasini o‘zida mujassamlashtirgan shaxs paydo bo‘lsa, mana buni muhim voqea sifatida qabul qilish mumkin.
Ander Errera - Pol Pogba emas. Uni Erik Jemba-Jebmaga qiyoslash ham noo‘rin. Shunga qaramay, bu futbolchi boshqa hamkasblaridan farqli ravishda, «Old Trafford» qahramoni sifatida ishqibozlarni birlashtirishni uddalaydi.
Ehtimol, kimdir uni yoqtirmasdir, ammo umumiy hisobda ispaniyalikni ayblash noo‘rin. Murabbiyning ko‘rsatmalarini to‘kis ado etishi tufayli Mourinyoning hurmatiga sazovor bo‘lgan.
Errera qaysidir jihatlari bilan boshqa bir mashhur shaxs - Xuan Matani eslatadi.
Ispaniyalik trio - Mata, De Xea hamda Erreraning do‘stligi tufayli ularni «uch amigo» deb atashadi. «MYU» posboni har hafta ochilmagan qirralarini namoyon etadi, Ander ham jamoa uchun muhimlikda undan qolishmaydi.
Baskning yangi jamoadagi starti o‘xshamagandi, biroq ayni payt uning asosiy tarkib a’zosi ekani shubhadan xoli. Errera sabr qildi va buning uchun taqdirlandi.
Ander 1989 yilning 14 avgustida Bilbaoda tug‘ilgan. Uning oilasida hamma futbolni sevar, zero otasi Pedro Mariya «Atletiko» akademiyasini tamomlagach, o‘tgan asrning 80-yillarida «Salamanka», «Saragosa» hamda «Selta» klublarida o‘ynagandi.
Sportga qiziqish farzandga o‘tib, aynan u to‘p surgan pozisiyani tanladi. Qisqasi, futbol Erreraga DNK orqali o‘tgan, ammo qahramonimiz muvaffaqiyat qozonish bobida otasidan o‘zib ketdi.
Bilbaoda bir maqol bor: «Barcha yo‘llar «Atletik» tomon olib boradi». Ander ham «Saragosa»da o‘tgan o‘n yillik faoliyatdan so‘ng «qizil-oqlar» safini to‘ldirdi. Otasi bu klub safida olti yil o‘ynab, 155ta uchrashuvda 18ta gol urgandi.
Errera 2001 yili «Saragosa» akademiyasiga kirdi, debyutini esa 2008|2009 yillar mavsumida ikkinchi jamoa («Deportivo Aragon»)da nishonladi.
Bu klubda 10ta bahsda raqiblar darvozasini ikki marta ishg‘ol qildi. O‘sha mavsumning o‘zidayoq segundadagi professional debyutini o‘tkazdi. 19 o‘yinda ikki gol - yomon ko‘rsatkich emas va yakunda uning jamoasi primera yo‘llanmasini qo‘lga kiritdi.
Bolaligida Ander «Saragosa» klubini yaxshi ko‘rardi. Bu uning ilk jamoasi, ammo futbolchi DAVOMI
