«Manchester Siti» va «PSJ» transferlar uchun hammadan ko‘p to‘lab, endilikda har qanday raqibni tor-mor etishga tayyor ekanliklarini isbotlashmoqda.
Ammo futbolni pul o‘ynamaydi va bu aqidaning haqiqatligini ayrim jamoalar misolida ko‘rdik. Zero bu klublar sarflagan mablag‘lar o‘zini oqlamayapti.
«MILAN» - 231 million yevro
«Rossoneri» Yevropaning eng isrofgar besh jamoasidan biriga aylandi. Yaqinda «Milan»ning moliyaviy «feyr-pley» qoidalarini buzgani uchun keyingi mavsum yevrokuboklardan chetlatilishi haqida xabarlar urchigandi.
Biroq «qizil-qoralar» bu musobaqalarga chiqishga u qadar shoshilmayaptilar: so‘nggi 13 uchrashuvdan so‘ng 7-o‘rin, kuchli to‘rtlikdan 11 ochko ortda qolishgan.
«Milan» katta xarid qildi, ammo oxirini o‘ylamay ishladi. Kelganlar orasida yagona ekstra toifadagi futbolchi - Leonardo Bonuchchi. Qolganlar - yoshlar va tuzukroq murabbiy bo‘lmasa, natija ko‘rsatolmaydigan ijrochilar.
Jamoa yulduz mutaxassis chaqirishni o‘ylamadi, yakunda esa, murakkab vaziyatga tushib qoldi. Chempionlar Ligasi yo‘llanmasi qo‘lga kiritilmasa, badavlat xitoylik rahbarlarning ham moliyaviy «feyr-pley»dan qutulishga qiynalishlari muqarrar. Klub rekord darajadagi zarar arafasida turibdi.
Futbolchilar esa hali sarflarni oqlashga ulgurishmadi. Andre Silva (40 million) - «A» seriyada gol urganicha yo‘q; Andrea Konti (25 million) — jarohat oldi; Hoqon Chalxanoglu (22 million) - bitta gol, ikkita samarali uzatma, ko‘pincha boshlang‘ich tarkibdan chetda qolmoqda
. Frank Kessi (28 million) esa «Atalanta» markazida porlagan yulduzga sirayam o‘xshamayapti. Bugungi «Milan»da yaxshigina ijrochilar to‘planishgan, ammo ular murabbiylariga ishonishmadi, chog‘i, rahbariyat baribir, Vinchenso Montellani iste’foga chiqardi.
«EVERTON» - 158 million yevro
