O‘zbekiston yoshlar terma jamoasi bosh murabbiyi Ravshan Haydarov Tailandda o‘tayotgan "M-150 Cup" musobaqasi doirasida Myanma va Vyetnam yoshlar terma jamoalariga qarshi kechadigan o‘yinlar oldidan o‘tkazilgan matbuot anjumanida ishtirok etdi.
"Myanma yoshlar terma jamoasi o‘z vaqtida hozirgi murabbiy bilan jahon chempionati yo‘llanmasini qo‘lga kiritib, Yangi Zelandiyadagi mundialda ishtirok etgan edi. O‘ylaymanki, o‘tgan vaqt davomida bu futbolchilar o‘sib, yaxshi futbolchiga aylangan bo‘lishi kerak.
Yaqin o‘rtada Myanma yoshlar terma jamoasining o‘yinini ko‘rmaganman, ammo aynan shu futbolchilar Myanma futboli kelajagi bo‘lishiga ishonaman.
Vyetnam terma jamoasiga keladigan bo‘lsak, ularda ham hozir futbolda rivojlanish va o‘sish davri bo‘lmoqda. Vyetnamliklar Osiyo chempionati saralashidan muvaffaqiyatli o‘tgani ham fikrimni isbotlaydi. Bizni bu raqiblarga qarshi juda qiziqarli o‘yinlar kutib turibdi", - deydi Ravshan Haydarov.
.jpg)
Eslatib o‘tamiz, O‘zbekiston U-23 terma jamoasi musobaqadagi dastlabki o‘yinni ertaga 11 dekabr kuni Myanma terma jamoasiga qarshi o‘yin bilan boshlaydi. Uchrashuv Toshkent vaqti bilan soat 18:00da boshlanadi.
9 dekabr kuni bo‘lib o‘tgan dastlabki tur o‘yinida Vyetnam yoshlar terma jamoasi Myanma ustidan yirik 4:0 hisobida g‘alaba qozongan.
M-150 CUP-2017
"V" guruhi, 1-tur
Vyetnam U-23 - Myanma U-23 - 4:0
Gollar: Nguyen Kuang Xay 12, Nguyen Kuang Xay 27, Pxan van Long 63, Nguyen Song Pxuong 69
Vyetnam: Bui Tiyen Dung, Doan van Xau, Luong Xuan Truong (s), Pxam Dus Xu, Nguyen van Toan, Nguyen Song Pxuong, Do Duy Man, A Xoang, Vu van Txan, Nguyen Kuang Xay, Tran Dinx Trong
Myanma: Sann Sat, Nan Vay, Ntike Aung, Soye Moye Kyav, Nlaing Bo Bo, Yan Paing SoYE, Vin Naing Tun, Mg Lvin, Yan Naing, Si Txu Aung (s), Lvin Moye Aung
