UYEFA «Bavariya» klubini 20 ming yevro miqdorida jarimaga tortdi. Bunga sabab shuki, myunxenlik muxlislar CHL 5-turidan o‘rin olgan «Anderlext»ga qarshi safar uchrashuvida nojo‘ya xatti-harakatlarga yo‘l qo‘yishgan.

UYEFA rasmiy saytida yozilishicha, tashkilotning tegishli qo‘mitasi bu borada alohida surishtiruv ishlari olib bordi.

«Bavariya» muxlislari taqiqlangan bannerlar ko‘tarishdan tashqari, maydonga turli buyumlarni uloqtirishgandi.

Aytish joiz, germaniyalik muxlislar chiptalar haddan ortiq qimmat narxda sotilganiga e’tiroz sifatida maydonga qalbaki pul ham sochishgandi. 

Belgiya klubi o‘sha o‘yin uchun chiqarilgan chipta narxini 100 yevrogacha ko‘targandi.