УЕФА «Бавария» клубини 20 минг евро миқдорида жаримага тортди. Бунга сабаб шуки, мюнхенлик мухлислар ЧЛ 5-туридан ўрин олган «Андерлехт»га қарши сафар учрашувида ножўя хатти-ҳаракатларга йўл қўйишган.
УЕФА расмий сайтида ёзилишича, ташкилотнинг тегишли қўмитаси бу борада алоҳида суриштирув ишлари олиб борди.
«Бавария» мухлислари тақиқланган баннерлар кўтаришдан ташқари, майдонга турли буюмларни улоқтиришганди.
Айтиш жоиз, германиялик мухлислар чипталар ҳаддан ортиқ қиммат нархда сотилганига эътироз сифатида майдонга қалбаки пул ҳам сочишганди.
Бельгия клуби ўша ўйин учун чиқарилган чипта нархини 100 еврогача кўтарганди.
