Oliy Liganing 2017 yilgi mavsumi ham o‘z nihoyasiga yetdi. Endilikda O‘zbekiston chempionati yuqori divizioni “Superliga” deya nomlanadi.

Ta’kidlash joizki, ortda qolgan mavsumda “Lokomotiv” jamoasi oldingi chiziq vakili – Marat Bikmayev Oliy Liga doirasida 25ta o‘yinda maydonga chiqib, 26ta gol kiritishga muvaffaq bo‘ldi. Bu orqali esa u “Loko” safida bir mavsumda eng ko‘p gol kiritgan futbolchiga aylandi. Bunga qadar Temurxo‘ja Abduxoliqov o‘tgan yilgi chempionatda 22ta gol urib, “Lokomotiv”ning Oliy Ligadagi eng sermahsul futbolchisi nomini o‘zida saqlab turgan edi.

“Lokomotiv”ning barcha mavsumdagi to‘purarlari:

2004 yil – Marsel Idiatullin – 7ta
2005 yil – Marsel Idiatullin – 11ta
2006 yil – Marsel Idiatullin – 12ta
2007 yil – Ilhom Mo‘minjonov – 5ta
2008 yil – Olim Navkarov – 9ta
2009 yil – Muzaffar Umrzoqov – 10ta
2010 yil – Aram Voskanyan, Muzaffar Umrzoqov – 3ta
2012 yil – Zayniddin Tojiyev – 12ta
2013 yil – Farhod Tojiyev – 17ta
2014 yil – Farhod Tojiyev – 13ta
2015 yil – Sanjar Shoahmedov – 14ta
2016 yil – Temurxo‘ja Abduxoliqov – 22ta
2017 yil – Marat Bikmayev – 26ta