“Real” klubi bosh murabbiyi Zinedin Zidan klublar o‘rtasidagi jahon chempionati doirasida “Al Jazira” (2:1) ustidan qozonilgan irodali g‘alabadan keyingi fikrlari bilan o‘rtoqlashdi.
“Beyldan mamnunman, u ham shunday fikrda. U zaxiradan maydonga tushdi va gol urdi. Yaxshi natija, g‘alabaga loyiq edik. Birinchi bo‘lim bizning foydamizga bo‘lmadi. Ko‘plab vaziyatlar yaratgan bo‘lsakda, darvozani ishg‘ol eta olmadik.
Uchrashuv davomida shoshilibroq o‘ynadik, biroq bu futbol. To‘p darvozaga kirishni istamayaptimi, vaziyat yaratishni davom ettirish kerak. Bu o‘yin qiyin bo‘lishini bilgandim. Endi final haqida o‘ylash kerak.
Finalda “Gremio”ga qarshi o‘ynaymiz. Tezroq tiklanish va og‘ir o‘yinga tayyorlanish kerak”, – deydi Zidan.
