“Реал” клуби бош мураббийи Зинедин Зидан клублар ўртасидаги жаҳон чемпионати доирасида “Ал Жазира” (2:1) устидан қозонилган иродали ғалабадан кейинги фикрлари билан ўртоқлашди.

“Бэйлдан мамнунман, у ҳам шундай фикрда. У захирадан майдонга тушди ва гол урди. Яхши натижа, ғалабага лойиқ эдик. Биринчи бўлим бизнинг фойдамизга бўлмади. Кўплаб вазиятлар яратган бўлсакда, дарвозани ишғол эта олмадик.

Учрашув давомида шошилиброқ ўйнадик, бироқ бу футбол. Тўп дарвозага киришни истамаяптими, вазият яратишни давом эттириш керак. Бу ўйин қийин бўлишини билгандим. Энди финал ҳақида ўйлаш керак.

Финалда “Гремио”га қарши ўйнаймиз. Тезроқ тикланиш ва оғир ўйинга тайёрланиш керак”, – дейди Зидан.