Angliya Premyer-Ligasining 18-turidan o‘rin olgan “Manchester Siti” hamda “Tottenxem” jamoalari o‘rtasidagi markaziy uchrashuv yakuniga yetdi.

Unda “Manchester Siti” “Tottenxem” darvozasiga to‘rtta gol urdi va o‘z darvozasidan bitta gol olib chiqdi.

Dastlab, 14-daqiqada Ilkay Gyundogan hisobni ochgan bo‘lsa, Kevin De Bryuyne va Rahim Sterling (2) “shaharliklar”ning qolgan gollarini urishdi. Rahim Sterling Ugo Lyoris qo‘riqlatgan darvozaga ikki marta gol urishni uddaladi. O‘yinning 90-daqiqasida “Tottenxem” yarim himoyachisi Kristian Eriksen to‘rtta golga faqat bir gol bilan javob qaytara oldi va shu tariqa “Siti” APLda ketma-ket 16 g‘alabasiga erishdi.

APL, 18-tur.

Manchester Siti – Tottenxem 4:1.

Gollar: 1:0 – 14 Gyundogan, 2:0 – 70 de Bryuyne, 3:0 – 80 Sterling, 4:0 – 90 Sterling, 4:1 – 90 Eriksen.

Manchester Siti – Ederson, Mangalya, Otamendi, Uoker, Delf, Gyundogan (Foden, 83), Fernandinyo, Sterling, de Bryuyne, Sane (Bernardu Silva, 85), Aguero (Gabriel Jezus, 58).

Tottenxem – Lyoris, Vertongen, Rouz (Devis, 89), Trippyer, Eriksen, Uinks, Dembele, Dayer, Alli (Sissoko, 84), Son Xin Min (Lamela, 77), Keyn.

Ogohlantirishlar: Otamendi (38), Delf (51), Keyn (52), Dembele (62), Alli (68), Sissoko (90).