15 dekabr kuni tunda bir guruh o‘g‘rilar Fransiyaning “PSJ” klubi bosh murabbiyi Unai Emerining uyini tunab ketishgan. Bu haqda “Lepoint” nashri xabar berdi.

Xabarda aytilishicha, o‘g‘rilar Emerining uyidan bahosi 7 ming yevroga teng “Rolex” soati, uning xotiniga qarashli ikkita “Chanel” sumkalarini olib ketishgan.

Bundan tashqari, o‘g‘rilar bir qancha qimmatbaho hujjatlar, aniqrog‘i Emerining Parij klubi bilan tuzgan shartnomasi hamda maosh va jamoaning transfer rejalari tushirilgan qog‘ozlarni ham o‘zlari bilan birga olib ketishgan.

Eng asosiysi, Unai Emeri uyidan “PSJ” hujumchisi Neymarning liboslari ham yo‘qolib qolgan.

O‘g‘irlangan narsalar jami 20 ming yevroga baholanmoqda.

Hozirda Fransiya polisiyasi uyga o‘rnatilgan videokameralar tasvirlarni o‘rganish ishlarini olib bormoqda.

Ma’lumot uchun, Emerining o‘zi kecha kechqurun “Strasbur”ga qarshi safar o‘yinida bo‘lgan.

Eslatib o‘tamiz, o‘g‘rilar yaqinda yana bir mashhur germaniyalik darvozabon Oliver Kanning uyini ham o‘marib ketishgandi.