Prezidentimiz Shavkat Mirziyoyevning 2017 yil 29 noyabrdagi farmoyishiga binoan Konstitusiyamiz qabul qilinganining 25 yilligi munosabati bilan mamlakatimizda amalga oshirilayotgan barcha islohotlarda jonbozlik ko‘rsatib kelayotgan, Bosh qomusimizning hayotimizdagi o‘rni va ahamiyatini keng targ‘ib etish ishiga munosib hissa qo‘shgan bir qator yurtdoshlarimiz qatorida O‘zbekiston Futbol Federasiyasi Prezidenti Umid Ahmadjonov hamda Federasiyaning bir guruh xodimlari bilan birgalikda ikki nafar FIFA referisi Valentin Kovalenko va Sherzod Qosimovlar "O‘zbekiston Konstitusiyasiga 25 yil" esdalik nishoni bilan taqdirlangan edi.
Valentin Kovalenko o‘sha paytda Sharqiy Osiyo futbol federasiyasi (EAFF) tomonidan o‘tkaziladigan terma jamoalar ishtirokidagi musobaqada ishtirok etayotgani sababli ushbu esdalik nishonini qabul qila olmagandi.
Bugun O‘zbekiston Futbol Federasiyasi prezidenti Umid Ahmadjonov FIFA referisi Valentin Kovalenkoga "O‘zbekiston Konstitusiyasiga 25 yil" esdalik nishonini topshirdi va hakamning kelgusi faoliyatiga omad tiladi.
