“Jenoa” jamoasi hujumchisi Juzeppe Rossining agenti Federiko Pastorello mijozining Italiya terma jamoasida yana qayta paydo bo‘lishi mumkinligi haqida gapirdi.
“Uning futbolga qaytganidan mamnunman. Juzeppening professionalligi, iqtidori va texnikasi hali joyida ekan. Ayni damda u 30 yoshda, hali yuqori darajadagi o‘yinlarini namoyon qila oladi. Afsuski, uning tanasida 5 marta jarrohlik amaliyoti o‘tkazilgan. 25-26 yoshiga qadar ko‘pchilikdan juda kam o‘yinlarda maydonga tushgan. “Jenoa” jamoasi rahbariyatiga futbolchini taklif etgani uchun rahmat aytaman”, - deydi agent.
