“Женоа” жамоаси ҳужумчиси Жузеппе Россининг агенти Федерико Пасторелло мижозининг Италия терма жамоасида яна қайта пайдо бўлиши мумкинлиги ҳақида гапирди.

“Унинг футболга қайтганидан мамнунман. Жузеппенинг профессионаллиги, иқтидори ва техникаси ҳали жойида экан. Айни дамда у 30 ёшда, ҳали юқори даражадаги ўйинларини намоён қила олади. Афсуски, унинг танасида 5 марта жарроҳлик амалиёти ўтказилган. 25-26 ёшига қадар кўпчиликдан жуда кам ўйинларда майдонга тушган. “Женоа” жамоаси раҳбариятига футболчини таклиф этгани учун раҳмат айтаман”, - дейди агент.