Bugun, 23 dekabr kuni Ispaniya Primerosi doirasida “Real” Madrid hamda “Barselona” jamoalari o‘rtasidagi “El-Klasiko” bahsi bo‘lib o‘tishi haqida avval xabar bergan edik.

Ayni damda Zinedin Zidan qo‘l ostida to‘p surayotgan tarkibdan 8 kishi “Barselona” darvozasini ishg‘ol etgan. Bular – Krishtianu Ronaldu, Karim Benzema, Serxio Ramos, Marko Asensio, Rafael Varan, Garet Beyl, Marselo va Kazemiro.

Hozirga qadar “El-Klasiko” bahslarida Krishtianu Ronaldu 17 ta gol urib, Madrid klubi yetakchisi hisoblanadi.

Uning so‘nggi goli “Kamp Nou”dagi Ispaniya Superkubogi doirasida urilgandi.

Portugaliyalik futbolchidan keyingi o‘rinni Karim Benzema 9 ta goli bilan egallab turibdi. Fransiyalik hujumchi asosan “Santyagu Bernabeu”dagi o‘yinlarda darvozani ishg‘ol etadi.Ramos esa “El-Klasiko”larda 4 bora gol urishga erishgan.

Asensio va Varan ikkitadan gol urishga erishgan. Yarim himoyachi Ispaniya Superkubogi doirasidagi o‘yinlarning asosiy qahramoni bo‘lgandi.

Ro‘yxatni bittadan gol urgan Beyl, Marselo va Kazemiro yakunlab berishdi.

 Ma’lumot uchun, “Real” – “Barselona” jamoalari o‘rtasidagi “El-Klasiko” uchrashuvi 23 dekabr kuni Toshkent vaqti bilan soat 17:00 da boshlanadi.