"Manchester Yunayted"ning sobiq bosh murabbiyi Lui van Gal manchesterliklar himoyachisi Deyli Blindni klubini almashtirishga chaqirdi.
"Deyli Blind "Manchester Yunayted"da qolganidan "Barselona"ga ketgani yaxshi. U hatto "Yunayted"ning zaxira o‘rindig‘ida ham kam ko‘rinyapti. Deyli ko‘p pozisiyalarda o‘ynay oladi, "Barselona"da esa tribunalarda hech qachon o‘tirmagan bo‘lar edi.
Men uning "Barselona"da yaxshiroq o‘ynashiga ishonaman. Uning saviyasi va uslubi ANgliyadan ko‘ra, Ispaniyaga ko‘proq mos keladi. U markaziy himoyachi sifatida ham o‘ynay olishi mumkin. U himoyaviy yarimhimoyachi va hujumkor yarimhimoyachi bo‘lib ham foyda berishi mumkin. Deyli hamma narsa qila oladi", - deydi Van Gal.