«Vadim Abramov zamonaviy futboldan orqada qolib ketgan, unda eskicha fikrlash mujassam», dedi O‘zbekiston futbol federasiyasi prezidenti Umid Ahmadjonov «Gazeta.uz»ga bergan intervyusida.
«Menimcha, o‘zbek futboliga bunday odamlar kerak emas. U 16 jamoani xohlaydi, chunki uning «Neftchi»si (mavsum yakuniga ko‘ra 15-o‘rin) yangi formatda Pro-ligaga tushib ketishi kerak. Pastki ligada esa u ishlashni istamaydi.
Unda nega vaqtliroq uyg‘onmadi. Agar shunchalik usta bo‘lsa, klubni Pro-ligidan Superligaga chiqarishga harakat qilsin.
Agar ishlashni istamasang, yoshlarga o‘rningni bo‘shat. Biz bundaylar bilan kelishib, oldinga harakatlana olmaymiz», izoh bergan O‘FF rahbari.
