Angliya premyer-ligasining 21-turidan o‘rin olgan so‘nggi bahsdan "Vest Bromvich" o‘z maydonida "Arsenal"ni qabul qildi. Uchrashuvning 82 daqiqasi ancha zerikarli o‘tdi. Asosiy voqealar oxirgi daqiqalarda ro‘y berdi.

Dastlab Aleksis Sanches jarima zarbasi ishlab, uni o‘zi amalga oshirdi. To‘p yo‘l-yo‘lakay Makkleynga tegib, "Vest Bromvich" darvozasidan o‘rin oldi. Bahsning 89-daqiqasida hakam Mayk Din "kanonirlar" darvozasi tomon bahsli penalti belgiladi. Chembers o‘z jarima maydonchasi ichida to‘pni ataylib o‘ynamagandi. Rodriges 11 metrli jarima zarbasidan unumli foydalanib, hisobni tenglashtirdi.

Ushbu durangdan keyin "Arsenal" 38 ochko bilan 4-o‘rinda borayotgan "Liverpul"dan 3 ochko ortda qolmoqda. "Vest Brom" esa 16 ochko bilan so‘nggi pog‘onani  tark etdi.

APL, 21-tur
Vest Bromvich – Arsenal 1:1 (0:0, 1:1)
Gollar: 0:1 – 83, avtogol Makkleyn, 1:1 – 89, penalti Rodriges.
Vest Bromvich – Foster, Fillips (Makkleyn, 72), Douson, Xegazi, Evans, Gibbs, Livermor, Berri, Brant (Krixovyak, 72), Rodriges, Robson-Kanu (Nyom, 75).
Arsenal – Chex, Chembers, Mustafi, Kosyelni (Mertesaker, 72), Belyerin, Uilsher, Djaka, Kolashinas (Meytlend-Naylz, 37), Ivobi (Uelbek, 74), Sanches, Lyakazett.
Ogohlantirishlar: Evans (34), Mustafi (58), Brant (59), Douson (82), Uilsher (88), Chex (90).