Англия премьер-лигасининг 21-туридан ўрин олган сўнгги баҳсдан "Вест Бромвич" ўз майдонида "Арсенал"ни қабул қилди. Учрашувнинг 82 дақиқаси анча зерикарли ўтди. Асосий воқеалар охирги дақиқаларда рўй берди.

Дастлаб Алексис Санчес жарима зарбаси ишлаб, уни ўзи амалга оширди. Тўп йўл-йўлакай Макклейнга тегиб, "Вест Бромвич" дарвозасидан ўрин олди. Баҳснинг 89-дақиқасида ҳакам Майк Дин "канонирлар" дарвозаси томон баҳсли пенальти белгилади. Чемберс ўз жарима майдончаси ичида тўпни атайлиб ўйнамаганди. Родригес 11 метрли жарима зарбасидан унумли фойдаланиб, ҳисобни тенглаштирди.

Ушбу дурангдан кейин "Арсенал" 38 очко билан 4-ўринда бораётган "Ливерпуль"дан 3 очко ортда қолмоқда. "Вест Бром" эса 16 очко билан сўнгги поғонани  тарк этди.

АПЛ, 21-тур
Вест Бромвич – Арсенал 1:1 (0:0, 1:1)
Голлар: 0:1 – 83, автогол Макклейн, 1:1 – 89, пенальти Родригес.
Вест Бромвич – Фостер, Филлипс (Макклейн, 72), Доусон, Хегази, Эванс, Гиббс, Ливермор, Бэрри, Брант (Криховяк, 72), Родригес, Робсон-Кану (Ньом, 75).
Арсенал – Чех, Чемберс, Мустафи, Косьельни (Мертесакер, 72), Бельерин, Уилшер, Джака, Колашинац (Мэйтленд-Найлз, 37), Ивоби (Уэлбек, 74), Санчес, Ляказетт.
Огоҳлантиришлар: Эванс (34), Мустафи (58), Брант (59), Доусон (82), Уилшер (88), Чех (90).