«Manchester Yunayted» bosh murabbiyi Joze Mourinyo «Everton»ga qarshi bo‘lib o‘tgan o‘yin (2:0) borasida o‘z fikrlarini bildirib o‘tdi.

«Bugun barcha ishni yuqori darajada bajardik. Biz juda yaxshi o‘ynadik. Yomon taqvimga qaramay, yigitlar charchaganga o‘xshamadilar.

«Everton» 5-8 daqiqa davomida o‘yinni o‘z nazoratiga oldi, lekin qolgan vaqt davomida o‘yinni biz boshqardik. Lukaku yo‘qligi bois o‘z o‘yinimizni o‘zgartirishga to‘g‘ri keldi. O‘yindan qoniqish hosil qildim.

Lingard? Yosh iqtidorli o‘yinchi bo‘lish — boshqa masala, yaxshi futbolchi bo‘lish — butunlay boshqa ish. Ba’zilar ushbu bosqichdan o‘ta olishmaydi. Ular "ijoyib iqtidor egalari" toifasidan "oddiy o‘yinchi" toifasiga o‘tishadi. Lingard hozir o‘tish bosqichida. U barqaror o‘yin ko‘rsatmoqda, o‘yinni yaxshi tushunmoqda. U to‘g‘ri yo‘ldan bormoqda.

Transferlar? Bu borada hech narsa bilmayman. Hozirda muammolarimiz bor. 2-3 haftadan keyin o‘zimizga kelib olamiz va yengil tin olamiz. Tarkibni hozir kuchaytira olamizmi yoki yozgacha kutamizmi? Hech narsa deya olmayman», – dedi Mourinyo.