Turinning “Yuventus” jamoasi bosh murabbiyi Massimiliano Allegri shogidlarining Italiya kubogi doirasida “Torino”ga qarshi o‘yinga tayyorgarligi haqida gapirdi.
“Har qanday xolatda ham raqibga past nazar bilan qarab bo‘lmaydi. Birinchi navbatda, bu derbi. G‘alaba qozonish va keyingi bosqichga o‘tish – juda muhim.
Buffon jarohati, Kuadrado va de Shilyo boshqa sabablar bilan o‘yinga tusha olishmaydi. Ular tez orada safga qaytishadi.
Ertaga Dibala o‘ynaydi. Yoki hujumda, yoki Manjukich bilan Iguainni bog‘lovchi sifatida maydonga tushadi.
Shchensni – Buffonning haqiqiy vorisi. Ular bir biriga xurmat bilan munosabatda bo‘lishmoqda. Bu esa asosiy jihatdir”, - deydi Allegri.
