Туриннинг “Ювентус” жамоаси бош мураббийи Массимилиано Аллегри шогидларининг Италия кубоги доирасида “Торино”га қарши ўйинга тайёргарлиги ҳақида гапирди.
“Ҳар қандай холатда ҳам рақибга паст назар билан қараб бўлмайди. Биринчи навбатда, бу дерби. Ғалаба қозониш ва кейинги босқичга ўтиш – жуда муҳим.
Буффон жароҳати, Куадрадо ва де Шильо бошқа сабаблар билан ўйинга туша олишмайди. Улар тез орада сафга қайтишади.
Эртага Дибала ўйнайди. Ёки ҳужумда, ёки Манжукич билан Игуаинни боғловчи сифатида майдонга тушади.
Шченсни – Буффоннинг ҳақиқий вориси. Улар бир бирига хурмат билан муносабатда бўлишмоқда. Бу эса асосий жиҳатдир”, - дейди Аллегри.
