Futbol hakami Xose Valdemar Ernandes Kapitilyo o‘yinchi yetkazgan jarohat tufayli shifoxonada vafot etdi, deb xabar tarqatmoqda Meksika hakamlar assosiasiyasi (MHA).  

Ommaviy axborot vositalarining xabariga ko‘ra, to‘qnashuv havaskor jamoalar uchrashuvida bo‘lib o‘tgan. Hakam o‘yinchiga qizil kartochka ko‘rsatganida, norozi bo‘lgan o‘yinchi kelib, hakamning boshiga zarba bergan. O‘yindan so‘ng hakam hushsiz holda shifoxonaga yetkazilgan va bir hafta davomida komada yotgan. 2017 yilning 30 dekabrida vafot etgan. 

MHA prezidenti Valentin Ramires, “Biz hamkasbimizning vafotidan so‘ng, hozir adolat tantanasi uchun barcha choralarni ko‘rmoqdamiz”, deb ta’kidlagan.

Hozirgi vaqtda voqeaga aloqador futbolchi qamoqqa olingan.